கடலூர் பெரியார் கலைக் கல்லூரியில் வரலாற்றுத் துறை மற்றும் புதுதில்லி இந்திய வரலாற்று ஆய்வுக் கழகத்துடன் இணைந்து வரலாற்றை மறுகட்டமைத்தல்: தரம் சார்ந்த மற்றும் தரவு சார்ந்த அணுகுமுறைகள் என்ற தலைப்பில் இரண்டு நாள் தேசியப் பயிலரங்கம்

பெரியார் கலைக் கல்லூரியின் பொன் விழா ஆண்டை நினைவு கூறும் வகையில், கடலூர் பெரியார் கலைக் கல்லூரி வரலாற்றுத்துறை, 7 & 8 மார்ச் ஆகிய இரு நாட்களில் இந்திய வரலாற்று ஆய்வுக் கழகம், புதுதில்லி நிதி உதவியுடன் “வரலாற்றை மறுகட்டமைத்தல்: தரம் சார்ந்த மற்றும் தரவு சார்ந்த அணுகுமுறைகள்” என்ற தலைப்பில் நடத்திய தேசியப் பயிலரங்கின் துவக்க விழா 07.03.2014 அன்று காலை 10 மணியளவில் கல்லூரியின் விழா அரங்கில் நடைபெற்றது. 

 பெரியார் கலைக் கல்லூரி முதல்வர் முனைவர் வி.என். விஸ்வநாதன் அவர்கள் தலைமையுரை நிகழ்த்தினார். தனது உரையில் பல்வேறு வரலாற்று அணுகுமுறைகளைப் பட்டியலிட்ட அவர், அனைத்து அணுகுமுறைகளையும் உள்ளடக்கியதாக, தரம்சார்ந்தும், தரவு சார்ந்தும் வரலாற்று ஆய்வுகள் அமைய வேண்டும் என்றார். மேலும், என்ன நடந்தது? என்பதை விட, ஏன் நடந்தது? என்ற கேள்வி மிக முக்கியமானது என்றார். 

 தேசியப் பயிலரங்கத்தை குத்துவிளக்கேற்றித் துவக்கிவைத்த, புது தில்லி, இந்திய வரலாற்று ஆய்வுக் கழக உறுப்பினரும், திருச்சிராப்பள்ளி பாரதிதாசன் பல்கலைக்கழக கலைப்புல முதல்வரும், வரலாற்றுத்துறைத் தலைவருமான பேராசிரியர் முனைவர் நா. இராஜேந்திரன் அவர்கள் பயிலரங்க துவக்க விழா உரை நிகழ்த்தினார். அவர் தனது உரையில் குறிப்பிட்டதாவது, சார்பு இல்லாத நிலையில் வரலாறு எழுதப்படவேண்டும். வரலாற்றாசிரியர் எத்தகைய அணுகுமுறைகளைப் என்றாபயன்படுத்தினாலும், உள்ளதை உள்ளபடி உரைக்க வேண்டும் என்றார். 

 08.03.2014 அன்று மாலை 4 மணியளவில் கல்லூரியின் விழா அரங்கில் நடைபெற்ற பயிலரங்க நிறைவு விழாவில் முனைவர் எஸ்.கே. அருணி, துணை இயக்குநர், இந்திய வரலாற்று ஆய்வுக் கழக தென் பிராந்திய மையம், பெங்களூரு, அவர்கள் பயிலரங்க நிறைவு விழா உரை நிகழ்த்தினார். அவர் தனது உரையில் வரலாறு பயில்கின்ற மாணவர்களுக்கு இருக்கின்ற வாய்ப்புகள் குறித்து விளக்கியதோடு, வரலாற்று ஆய்வுகளை மேற்கொள்கின்ற மாணவர்களுக்கு இந்திய வரலாற்றாய்வுக் கழகம் வழங்குகின்ற உதவித்தொகைகள் பற்றி எடுத்துரைத்தார். 

இரண்டு நாட்கள் நடைபெற்ற இந்த தேசியப் பயிலரங்கில், புதுதில்லி இந்திய வரலாற்று ஆய்வுக் கழக உறுப்பினர் பேராசிரியர் நா. இராஜேந்திரன் அவர்கள் “புள்ளியியல் அடிப்படையிலான வரலாறு” என்ற தலைப்பிலும், பிஷப் ஹீபர் கல்லூரி கலைப்புல முதல்வர் முனைவர் கே. ஜான்குமார் அவர்கள் “பல்வேறு வரலாற்று அணுகுமுறைகளை ஒருங்கிணைப்பதன் நன்மைகள்” என்ற தலைப்பிலும், புதுச்சேரி மொழியியல் மற்றும் கலாச்சார மைய இயக்குநர் முனைவர் பக்தவச்சல பாரதி அவர்கள் “இடப்பெயர்ச்சிக் கதைகள் மூலம் இனவழி வரலாற்றைக் கட்டமைத்தல்” என்ற தலைப்பிலும், பாரதிதாசன் பல்கலைக்கழக பொருளாதாரம், வணிகவியல் மற்றும் நிதியியல் பள்ளியின் தலைவர் முனைவர் எஸ். அய்யம்பிள்ளை அவர்கள் “தரவு சார்ந்த வரலாற்று அணுகுமுறை” என்ற தலைப்பிலும், திருச்சி பெரியார் ஈ.வே.ரா. கல்லூரியின் மேநாள் வரலாற்றுப் பேராசிரியர் முனைவர் கே. சூரியமூர்த்தி “அடித்தள வரலாறு” என்ற தலைப்பிலும், சென்னைப் பல்கலைக்கழக பாதுகாப்பு மற்றும் யுத்ததந்திர ஆய்வுத் துறை இணைப் பேராசிரியர் முனைவர் எஸ். உத்தம் குமார் ஜமதக்னி அவர்கள் “இராணுவ வரலாற்றை மறுகட்டமைத்தல்” என்ற தலைப்பிலும், அண்ணாமலைப் பல்கலைக்கழக அரசியல் அறிவியல் துறைத் தலைவர் முனைவர். பி. சக்திவேல் அவர்கள் “ஜனநாயகமும் நிறைவில்லா நிலையும்” என்ற தலைப்பிலும், பாரதிதாசன் பல்கலைக்கழக சுற்றுச்சூழல் மேலாண்மைத்துறை தலைவர் முனைவர் மு. இரவிச்சந்திரன் அவர்கள் “சுற்றுச்சூழல் வரலாற்றின் பொருத்தப்பாடு” என்ற தலைப்பிலும், பாரதிதாசன் பல்கலைக்கழக வரலாற்றுத்துறை உதவிப் பேராசிரியர் முனைவர் த. அசோகன் அவர்கள் “வரலாற்றியமும் இந்திய வரலாற்று வரைவியலும்” என்ற தலைப்பிலும், சென்னை காயிதே மில்லத் கல்லூரி வரலாற்றுத்துறைத் தலைவர் முனைவர் கே. விஜயா அவர்கள் “பெண்ணிய ஆய்வின் இயல்பும் முறைகளும்” என்ற தலைப்பிலும், பாரதிதாசன் பல்கலைக்கழக வரலாற்றுத்துறை உதவிப் பேராசிரியர் முனைவர் ஒய். சீனீவாச ராவ் அவர்கள் “இந்தியாவில் அடித்தள வரலாற்று ஆய்விற்கான சாத்தியங்களும், சவால்களும்” என்ற தலைப்பிலும் ஆய்வுரைகளை நிகழ்த்தினர். 

 பெரியார் கலைக்கல்லூரியில் இருந்தும், தமிழ் நாடு, பாண்டிச்சேரி மற்றும் கர்நாடகாவின் பல்வேறு பல்கலைக்கழகங்கள் மற்றும் கல்லூரிகளில் இருந்தும் சுமார் 400 பங்கேற்பாளர்கள், மூத்த அறிஞர்கள், வரலாற்றுப் பேராசிரியர்கள், ஆய்வறிஞர்கள் மற்றும் மாணவர்கள் பயிலரங்கில் பங்கேற்றனர். நிகழ்ச்சியில், முன்னதாக பெரியார் கலைக் கல்லூரி வரலாற்றுத்துறைத் தலைவர் பேராசிரியர் வி. இராயப்பன் அவர்கள் வரவேற்றார். 

இதில், கல்லூரி மாணவர்கள், மூத்த வரலாற்று அறிஞர்கள், ஆய்வாளர்கள் உள்பட 400-க்கும் மேற்பட்டோர் கலந்து கொண்டனர். நிறைவாக, தேசியப் பயிலரங்கின் இயக்குநரும், பெரியார் கலைக் கல்லூரி வரலாற்றுத்துறை உதவிப் பேராசிரியருமான முனைவர் நா. சேதுராமன் அவர்கள் நன்றி கூறினார்.

வரவேற்புரை நிகழ்த்துகிறார் வரலாற்றுத்துறைத் தலைவர் வி. ராயப்பன்

சிறப்பு விருந்தினர் முனைவர் நா. இராஜேந்திரன் அவர்களுக்கு பொன்னாடை போர்த்துகிறார் கல்லூரி முதல்வர் முனைவர் வி.என். விஸ்வநாதன் அவர்கள்

தலைமையுரை நிகழ்த்துகிறார் கல்லூரி முதல்வர் முனைவர் வி.என். விஸ்வநாதன் அவர்கள்

தேசியப் பயிலரங்கத்தை குத்துவிளக்கேற்றித் துவக்கிவைத்த, புது தில்லி, இந்திய வரலாற்று ஆய்வுக் கழக உறுப்பினரும், திருச்சிராப்பள்ளி பாரதிதாசன் பல்கலைக்கழக கலைப்புல முதல்வரும், வரலாற்றுத்துறைத் தலைவருமான பேராசிரியர் முனைவர் நா. இராஜேந்திரன் அவர்கள் பயிலரங்க துவக்க விழா உரை நிகழ்த்துகிறார்

பயிலரங்க நிறைவு விழா உரை நிகழ்த்திய இந்திய வரலாற்று ஆய்வுக் கழக தென் பிராந்திய மைய இயக்குநர் முனைவர் எஸ்.கே. அருணி அவர்களுக்கு பொன்னாடை போர்த்துகிறார் கல்லூரி முதல்வர் முனைவர் வி.என். விஸ்வநாதன் அவர்கள்

பயிலரங்கில் பங்கேற்றோருக்கு நன்றி கூறுகிறார் பயிலரங்க இயக்குநர் முனைவர் நா. சேதுராமன்

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரி தமிழ்த் துறை சார்பில் மாநில அளவிலான செம்மொழித் தமிழ் கருத்தரங்கம் நடைபெற்றது

கடலூர் பெரியார் கலைக் கல்லூரியில் செம்மொழி தமிழாய்வு மத்திய நிறுவனத்தின் நிதியுதவியுடன் மாநில அளவிலான தமிழ் கருத்தரங்கு 29.01.2014 அன்று நடைபெற்றது.

29.01.2014 (புதன்கிழமை) அன்று  நடைபெற்ற கருத்தரங்கு தொடக்க விழாவுக்கு பெரியார் கலைக் கல்லூரி முதல்வர் விஸ்வநாதன் தலைமை வகித்தார்.  தமிழ்த் துறை தலைவர் தமிழாழிக்  கொற்கை வேந்தன் வரவேற்றார். பேராசிரியர் அர்த்தநாரி அறிமுக உரையாற்றினார்.

புதுச்சேரி மாநில தமிழ் சங்கத் தலைவர் முத்து, கருத்தரங்கை தொடங்கிவைத்துப் பேசினார். "சங்க இலக்கிய நெய்தல் திணைப் பாடல்களும், நாட்டுப்புற மீனவர் பாடல்களும்' என்ற தலைப்பில் கருத்தரங்கு நடைபெற்றது. தொடக்க விழாவில் புதுச்சேரி மற்றும் தமிழக பல்கலைக்கழகங்களைச் சேர்ந்த கல்லூரி பேராசிரியர்கள் 30 ஆய்வுக் கட்டுரைகளை சமர்ப்பித்தனர். கருத்தரங்கு 30.01.214 (வியாழக்கிழமை) அன்று நிறைவடைந்தது.

Read more...

கடலூர் பெரியார் கலைக் கல்லூரியில் மாநில அளவிலான வேதியியல் திறனாய்வுத் தேர்வு நடைபெற்றது

கடலூர் பெரியார் கலைக் கல்லூரியில் வேதியியலில் மாநில அளவிலான திறனாய்வுத் தேர்வு (SLPT-2014) 26.01.2014 ஞாயிற்றுக்கிழமை அன்று நடைபெற்றது.

பல்கலைகழகம் மற்றும் கல்லூரிகளில் விரிவுரையாளராக  பணியாற்றுவதற்கும், உதவித்தொகையுடன் கூடிய பி.எச்.டி.ஆய்வுப்படிப்பை மேற்கொள்வதற்கும்  ஆண்டுதோறும் ஜூன் மற்றும் டிசம்பர் மாதங்களில் சி.எஸ்.ஐ.ஆர். மற்றும் பல்கலைகழக மான்ய நல்கலைக்குழு தகுதித் தேர்வுகள் நடைபெறுகிறது. இத்தேர்வுகளில் வெற்றி பெறுவதற்காக நடத்தப்படும் இரண்டு வாரகால இலவசப் பயிற்சி முகாமில் பங்கேற்க, மாநில அளவிலான திறனாய்வுத் தேர்வு 26.01.2014 அன்று மாநிலம் முழுவதும் 6 மையங்களில் நடைபெற்றது. 

இத்தேர்வு கடலூர் பெரியார் அரசுக் கலைக் கல்லூரியில், கல்லூரியின் வேதியியல் துறையும், ராமசுப்பு ஜெயராமன் அறிவியல் அறக்கட்டளையும் இணைந்து முதல்வர்  விஸ்வநாதன் ஏற்பாட்டில் நடைபெற்றது. இத்தேர்வில் கடலூர் மையத்தில்  பல்வேறு பல்கலைக்கழக மற்றும் கல்லூரிகளைச்  சேர்ந்த  முதுகலை வேதியியல் மாணவ, மாணவிகள் 60 பேர் பங்கேற்று இத்தேர்வை எழுதினர். 

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரி தமிழ்த் துறை சார்பில் மாநில அளவிலான செம்மொழித் தமிழ் கருத்தரங்கம்

கடலூர் பெரியார் கலைக் கல்லூரி தமிழ்த் துறை சார்பில் மாநில அளவிலான செம்மொழித் தமிழ் கருத்தரங்கம் வருகிற 29ஆம் தேதி தொடங்கி 3 நாள்கள் நடைபெறுகிறது.

மாநில அளவிலான இந்த செம்மொழித் தமிழ்க் கருத்தரங்கம், சங்க இலக்கிய நெய்தல் திணைப் பாடல்களும் நாட்டுப்புற மீனவர் பாடல்களும் எனும் தலைப்பில் நடைபெறுகிறது. இக் கருத்தரங்கம் நடத்துவதற்கான நிதியை சென்னை செம்மொழித் தமிழாய்வு மத்திய நிறுவனம் வழங்குகிறது. 30-க்கும் மேற்பட்ட தமிழகம் மற்றும் புதுச்சேரி மாநில பல்கலைக்கழகங்களைச் சேர்ந்த பேராசிரியர்களும், கல்லூரி பேராசிரியர்களும் ஆய்வுக் கட்டுரைகள் வழங்கவுள்ளனர். கருத்தரங்கினை செம்மொழித் தமிழாய்வு மத்திய நிறுவனத்தின் பதிவாளர் முனைவர் முத்துவேலு தொடங்கி வைக்கிறார். சென்னை மாநிலக் கல்லூரித் தமிழ்த் துறை தலைவர் முனைவர் மகாலிங்கம் சான்றிதழ்களை வழங்கி நிறைவுரையாற்றுகிறார். கருத்தரங்கின் தலைவராக கல்லூரி முதல்வர் விஸ்வநாதன், ஒருங்கிணைப்பாளராக தமிழ்த் துறை தலைவர் தமிழாழிக்கொற்கை வேந்தன் செயல்பட உள்ளனர். 

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரியில் இளைஞர் செஞ்சிலுவைச் சங்கம் சார்பில் சாலை பாதுகாப்பு விழிப்புணர்வு நிகழ்ச்சி

கடலூர் பெரியார் கலைக் கல்லூரியில் இளைஞர் ரெட்கிராஸ், இந்தியன் ரெட்கிராஸ் சங்கங்கள் சார்பில் சாலை பாதுகாப்பு விழிப்புணர்வு நிகழ்ச்சி அண்மையில் நடைபெற்றது.

நிகழ்ச்சிக்கு கல்லூரி முதல்வர் விஸ்வநாதன் தலைமை வகித்தார். இளைஞர் ரெட்கிராஸ் மாவட்ட ஒருங்கிணைப்பாளர் நிர்மல்குமார், இந்தியன் ரெட்கிராஸ் கடலூர் செயலாளர் பாலசுப்ரமணியன், பேராசிரியர்கள் டேவிட் சவுந்தர், ராயப்பன், முனைவர் முகுந்தன், பாரி, பிள்ளைவேந்தன், இளவரசி, தியாகராஜன், தங்கவேல், தேனினியன், மணிகண்டன் உள்ளிட்டோர் பங்கேற்றனர்.

நிகழ்ச்சியில் ஏடிஎஸ்பி ஜெகதீசன் பேசுகையில்,

பொதுமக்கள் மத்தியில் சாலை பாதுகாப்பு விழிப்புணர்வினை உருவாக்கும் பணியினை கல்லூரி மாணவர்கள் மேற்கொள்ள வேண்டும். போக்குவரத்து விதி மீறல்கள், போக்குவரத்து நெருக்கடிகள், பழுதடைந்த சிக்னல்கள் உள்ளிட்டவைகளை பார்த்த உடன் அருகில் உள்ள காவல் நிலையத்துக்கு மாணவர்கள் தகவல் தெரிவிக்க வேண்டும் என்றார்.

சாலை விழிப்புணர்வு குறித்த பட்டிமன்றம் நடைபெற்றது பட்டிமன்றத்தில் பேராசிரியர் அர்த்தநாரி, கவிஞர் வெற்றிச்செல்வி சண்முகம், மாணவர் விஜய், பேராசிரியர்கள் பன்னீர்செல்வம், பிரேமகுமாரி, மாணவி பெரியநாயகி ஆகியோர் பங்கேற்றனர். பட்டிமன்றத்துக்கு பேராசிரியர் இளங்கோ நடுவராக இருந்தார்.

Read more...

கடலூர் பெரியார் கலைக் கல்லூரியில் நுகர்வோர் விழிப்புணர்வு கருத்தரங்கம்

கடலூர்:

கடலூர் பெரியார் கலைக் கல்லூரியில் நுகர்வோர் விழிப்புணர்வு கருத்தரங்கம் செவ்வாய்க்கிழமை (24.12.2013) அன்று நடைபெற்றது. 

கருத்தரங்கில் கல்லூரி முதல்வர் விஸ்வநாதன் தலைமை தாங்கினார். இயற்பியல் துறை பேராசிரியர் மனோகரன் வரவேற்றார். இந்தியாவில் கிரெடிட் கார்டு மோசடிகள் என்ற தலைப்பில் அனைத்து குடியிருப்போர் நலச் சங்க கூட்டமைப்பு பொதுச் செயலர் மருதவாணன், ஊக வணிகத்தில் விதிமுறைகளும் நுகர்வோர் பாதுகாப்பும் என்ற தலைப்பில் வழக்குரைஞர் கதிர்வேல் பேசினர். நுகர்வோர் விழிப்புணர்வு தொடர்பான கட்டுரை மற்றும் கவிதை போட்டிகளில் வெற்றி பெற்ற மாணவ, மாணவிகளுக்கு பரிசுகள் வழங்கப்பட்டன. 

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரியில் 2014-15ம் கல்வியாண்டில் புதிதாக 25 பாடப் பிரிவுகள் தொடங்க அனுமதி வேண்டி கடிதம்

கடலூர் பெரியார் கலைக் கல்லூரியில் வரும் கல்வியாண்டில் புதிதாக 25 பாடப் பிரிவுகள் தொடங்க அனுமதி வேண்டி கல்லூரியின் முதல்வர், கல்லூரி கல்வி இயக்குநருக்கு கடிதம் அனுப்பியுள்ளார்.

கடலூர், தேவனாம்பட்டினத்தில் உள்ள அரசு பெரியார் கலை அறிவியல் கல்லூரியில் பி.ஏ., எம்.ஏ., பி.காம்., எம்.காம்., எம்.எஸ்சி. உள்பட பல்வேறு பாடப் பிரிவுகள் உள்ளன. கடலூர் மற்றும் விழுப்புரம் மாவட்டங்களைச் சேர்ந்த 4,095 மாணவ மாணவிகள் தற்போது படித்து வருகின்றனர். நடப்புக் கல்வியாண்டில், எம்.எஸ்சி. வேதியியல், பி.ஏ. அரசியல் அறிவியல், பி.எஸ்சி. நுண்ணுயிரியல் பாடப்பிரிவுகள் புதிதாக தொடங்கப்பட்டுள்ளன.இதற்கான மாணவர் சேர்க்கை முடிந்து, வகுப்புகள் நடந்து வருகின்றன. இதற்கிடையே, வரும் கல்வியாண்டில், மேலும், புதிதாக சில பாடப் பிரிவுகளைத் தொடங்க, கல்லூரி நிர்வாகம் நடவடிக்கை மேற்கொண்டுள்ளது.

இதுகுறித்து கல்லூரி முதல்வர் விஸ்வநாதன் அளித்த பேட்டி:

வரும் 2014-15ம் கல்வியாண்டில், பி.எஸ்சி., விஷுவல் கம்யூனிகேஷன், பி.பி.ஏ., எம்.எஸ்சி., பிரிவில் புள்ளியியல், மைக்ரோ பயாலஜி, எம்.பில்., பிரிவில் வணிகவியல், பொருளியியல், வரலாறு, பி.எச்டி பிரிவில் வரலாறு, இயற்பியல், விலங்கியல் உள்பட 25 பாடப் பிரிவுகள் தொடங்க அனுமதி வேண்டி, கல்லூரி கல்வி இயக்குநருக்கு கடிதம் அனுப்பப்பட்டுள்ளது. இவற்றில் சில பாடப் பிரிவுகள் பகுதி நேரமாகவும், முழு நேரமாகவும் உள்ளது. புதிய பாடப் பிரிவு தொடங்க தகுதியான ஆசிரியர்கள், நூலகம், ஆய்வக வசதிகள் போன்ற விவரங்கள் குறித்த அறிக்கைகள் கல்லூரியில் இருந்து திருவள்ளுவர் பல்கலைக் கழகத்துக்கு அனுப்பப்படும். வரும் கல்வியாண்டில் பாடப் பிரிவுகள் தொடங்குவதற்கான அரசாணை பிறப்பிக்கப்படும் என எதிர்பார்க்கப்படுவதாக அவர் கூறினார்.

  கடலூர் மாவட்ட செய்திகள்

Read more...

கடலூர் பெரியார் கலைக் கல்லூரியில் எம்.பி. தொகுதி மேம்பாட்டு நிதியில் இருந்து ரூபாய் 30 லட்சம் ரூபாய் மதிப்பில் புதிய வகுப்பறை கட்டடம் அடிக்கல் நாட்டு விழா

கடலூர்:

கடலூர் அரசு பெரியார் கலை மற்றும் அறிவியல் கல்லூரியில், எம்.பி., தொகுதி மேம்பாட்டு நிதி 30 லட்சம் ரூபாய் மதிப்பில், புதிய வகுப்பறை கட்டடம் அடிக்கல் நாட்டு விழா வியாழக்கிழமை  (21.11.2013) அன்று  நடந்தது. 

கல்லூரி முதல்வர் விஸ்வநாதன் வரவேற்றார். பேராசிரியர் கண்ணன் வாழ்த்திப் பேசினார். விழாவில், எம்.பி.,யின் செய்தி தொடர்பாளர் குமார், விவசாய பிரிவு வேலுச்சாமி, எம்.பி.,யின் தலைமை நிலையச் செயலர் ரங்கமணி, ரயில்வே ஆலோசனைக் குழு உறுப்பினர் ரவிக்குமார், பேராசிரியர்கள் உட்பட பலர் பங்கேற்றனர். 

புதிய கட்டடத்திற்கு அடிக்கல் நாட்டி  அழகிரி எம்.பி. பேசியது: 

பல்வேறு சிரமங்களுக்கு இடையே இந்தியா வளர்ச்சி அடைந்து வருகிறது. செவ்வாய் கிரகத்திற்கு ஜப்பான், சீனா போன்ற நாடுகள் விண்கலம் அனுப்ப முடியாத நிலையில், இந்தியா அனுப்பியுள்ளது. இது மகத்தான சாதனை என்றாலும், இந்தியா மேலும், வளர்ச்சி அடைய வேண்டும். வளர்ச்சி என்பது கல்வி சார்ந்த பள்ளி, கல்லூரிகளில் இருந்து துவங்க முடியும். அமெரிக்கா விதித்த பொருளாதாரத் தடையால், ஈரானில் கச்சா எண்ணெயை வாங்கும் திறன் எந்த நாட்டிற்கும் கிடையாது. அமெரிக்காவிற்கு ஆற்றல் எங்கிருந்து வந்தது என்பதை மாணவர்கள் புரிந்து கொள்ள வேண்டும். இந்தியாவில் விஞ்ஞானிகள் எண்ணிக்கை குறைவு. ஆனால், அமெரிக்காவில் இந்திய விஞ்ஞானிகள் எண்ணிக்கை அதிகமாக உள்ளது. மனிதனின் சக்திக்கு ஆற்றல் குறைவு. தவறான சிந்தனைகளால் கவனம் சிதறக் கூடாது. தோல்வி எங்கிருந்து துவங்குகிறது என்பதை மாணவர்கள் ஆராய வேண்டும். சிறிய சிறிய விஷயங்களைப் பார்த்து கவனத்தைச் சிதற விடுகின்றனர். விவேகானந்தர் கூறியது போல், மாணவ, மாணவிகள் எதையும் படித்து சாதிக்க முடியும். வலிமை, அன்பு உள்ளவர்களாக மாணவர்கள் உருவாக வேண்டும். மாணவர்கள் ஆக்கப்பூர்வமான சக்தியாக மாற வேண்டும். 

கடலூர் மாவட்ட செய்திகள்

Read more...

பெரியார் கலைக் கல்லூரியில் கடலூர் மாவட்ட அளவிலான சதுரங்கப் போட்டி

கடலூர்:

கடலூர் பெரியார் கலைக் கல்லூரியில் மாவட்ட அளவிலான சதுரங்கப் போட்டி நடந்தது. உலக சதுரங்க சாம்பியன்ஷிப் போட்டி சென்னையில் வரும் நவம்பர் 7ம் தேதி முதல், 28ம் தேதி நடக்கிறது. 

 இப்போட்டியில் தற்போதைய உலக சாம்பியனான தமிழகத்தை சேர்ந்த விஸ்வநாதன் ஆனந்தை எதிர்த்து நார்வே நாட்டைச் சேர்ந்த மாக்னஸ் காரல்சன் விளையாடுகிறார். சதுரங்கப் போட்டியை பிரபலப்படுத்தி, விளையாட்டு வீரர்களை ஊக்குவித்திட ஒவ்வொரு மாவட்டத்திற்கும் தமிழக அரசு 55 ஆயிரம் ரூபாய் நிதி ஒதுக்கீடு செய்துள்ளது. அதையொட்டி, சதுரங்கக் கழகம் சார்பில், மாவட்ட அளவிலான சதுரங்கப் போட்டி துவக்க விழா கடலூர்  பெரியார் கலைக் கல்லூரியில் நேற்று நடந்தது.

கல்லூரி முதல்வர் விஸ்வநாதன், சுற்றுலாத் துறை அதிகாரி தமிழரசி ஆகியோர் போட்டியை துவக்கி வைத்தனர். 9 வயது, 11, 13, 15 வயதுக்கு உட்பட்ட பிரிவு மற்றும் ஓபன் பிரிவில் போட்டிகள் நடந்தது. போட்டியில் 300 பேர் பங்கேற்றனர். நாளை (29ம் தேதி) வரை போட்டிகள் நடக்கிறது. இதில், வெற்றி பெறுவோருக்கு அன்றைய தினம் பரிசு வழங்கப்படும். போட்டி ஏற்பாடுகளை சதுரங்கக் கழக மாவட்டச் செயலர் பாலசுப்ரமணியன் மற்றும் நிர்வாகிகள் செய்து வருகின்றனர்.

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரியில் தொடங்கப்பட்டுள்ள புதிய பாடப் பிரிவுகளுக்கு கூடுதல் வகுப்பறைகள் கேட்டு அரசுக்கு முன்மொழிவு

கடலூர்:

கடலூர் பெரியார் கலைக் கல்லூரியில் தொடங்கப்பட்டுள்ள புதிய பாடப் பிரிவுகளுக்கு கூடுதல் வகுப்பறைகள் கேட்டு அரசுக்குப் பட்டியல் அனுப்பப்பட்டுள்ளது.

 கடலூர் தேவனாம்பட்டினத்தில் 1964-ம் ஆண்டு தொடங்கப்பட்ட அரசு பெரியார் கலை அறிவியல் கல்லூரியில் பிஏ, எம்ஏ, பிகாம், எம்காம், எம்எஸ்சி உள்பட பல்வேறு பாடப் பிரிவுகள் உள்ளன. இங்கு கடலூர், விழுப்புரம் மாவட்டங்களைச் சேர்ந்த 3,600 மாணவ, மாணவிகள் பயின்று வருகின்றனர்.

 நிகழ் கல்வியாண்டில், இளங்கலை அரசியல் அறிவியல், இளம் அறிவியல் நுண்ணுயிரியல், முதுநிலை பிரிவில் வேதியியல், தாவரவியல் எம்பில் பாடப் பிரிவு என முழு நேர வகுப்புகளும், தாவரவியல் பிஎச்டி முழு நேரம் மற்றும் பகுதி நேர வகுப்புகளும், வணிகவியல் பிஎச்டி முழு நேர வகுப்புகளும் புதிதாக தொடங்கப்பட்டுள்ளன. மாணவ, மாணவிகளின் காலிப் பணியிடங்களுக்கு ஏற்ப கூடுதலாக புதிய வகுப்பறைகள், பரிசோதனைக் கூடம் அமைக்க வேண்டியது அவசியமான ஒன்றாகும்.

 இதுகுறித்து கல்லூரி முதல்வர் விஸ்வநாதன் கூறியது:

 நிகழ் கல்வியாண்டில் புதிதாக 8 பாடப் பிரிவுகள் தொடங்கப்பட்டுள்ளன. இதற்கு விண்ணப்ப விநியோகம் தொடங்கியுள்ள நிலையில், புதிய பாடப்பிரிவுக்கு, தேவையான வகுப்பறைகள் மற்றும் பரிசோதனைக் கூடம் எத்தனை தேவை என்ற விவரங்கள் குறித்து தமிழக அரசு பட்டியல் கேட்டுள்ளது. அதன்படி, 10 வகுப்பறைகள், ஒரு பரிசோதனைக் கூடம் தேவை என வரைபடத்துடன் பட்டியல் அனுப்பியுள்ளோம் என்றார்.

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரியில் 67-வது இந்திய சுதந்திர தினம் கொண்டாட்டம் - The 67th Independence Day celebration’s was held in Cuddalore Periyar Arts College

The 67th Independence Day celebration’s was held in the College premises at 9.00 A.M. The programme started with Thamizhthai vazhthu. It was followed by the hoisting of the National flag by the Prof. R.Jayanthidevi, Head of the Department of Zoology; in the speech she emphasized the importance of education and discipline in the student community. The essence of Independence Day is in understanding the real spirit of Independence. 

 Dr. V. N. Viswanathan, Principal of Periyar Arts College paid rich tributes to the martyrs who strived hard for achieving independence. The thrust of his speech was on “Providing Power to the Powerless”. He further highlighted the significance of inclusive growth where all sections of the society had an equal opportunity to develop. Eradication of poverty and casteism would pave the way for progress; Indian’s success largely depended on the preserving its diversity, working towards unity in diversity was important. Further, India’s foreign policy should pursue aggressive diplomacy in dealing with countries like Pakistan and China. India could play a leading Security Manager role in Asian continent. Yet another aspect that needed to be highlighted was protecting consumer and human rights. Sustaining democracy and decentralization of political powers through Panjayat Raj institutions is another strategy for India’s democracy. In the context of Food Security Act 2013, the Principal reinstated the statement of Honorable Chief Minister of Tamil Nadu that the public distribution system must be effectively secured for providing food all the poor.

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரியில் குடியரசு தின விழா

கடலூர்:

     கடலூர் பெரியார் அரசு கலைக்  கல்லூரியில் குடியரசு தினம் 26/01/2013 அன்று காலை கொண்டாடப்பட்டது. கல்லூரி முதல்வர் விஸ்வநாதன் தேசியக்  கொடியை ஏற்றி வைத்து என்.சி.சி., மாணவர்களின் அணிவகுப்பு மரியாதையை ஏற்றுக் கொண்டார்.

கடலூர் மாவட்ட செய்திகள்

Read more...