பொியாா் அரசுக் கல்லூரி விடுதி மாணவர்கள் அடிப்படை வசதி கோாி உள்ளிருப்பு போராட்டம் நடத்தினா்

தினமலா் 17.10.2014 வெள்ளிக்கிழமை

தினமலா் 17.10.2014 வெள்ளிக்கிழமை

                           

        தினத்தந்தி 17.10.2014 வெள்ளிக்கிழமை

தினமணி நாளிதழ்  17.10.2014 வெள்ளிக்கிழமையன்று வந்த செய்தி

உணவு தரமில்லாமல் இருந்ததாக குற்றஞ்சாட்டி, கடலூர் அரசு பெரியார் கலைக் கல்லூரி விடுதி மாணவர்கள் போராட்டத்தில் ஈடுபட்டனர்.
      கடலூர், தேவனாம்பட்டினத்தில் உள்ள அரசு பெரியார் கல்லூரியில் படிக்கும் மாணவர்கள் 100-க்கும் மேற்பட்டோர் கல்லூரி எதிரில் உள்ள பிற்பட்டோர் நல விடுதியில் தங்கியுள்ளனர். இவர்களுக்கு வியாழக்கிழமை காலை உணவு வழங்கப்பட்டது. அது தரமாக இல்லாததாலும், விடுதியில் கழிவறை சுத்தம் செய்யாதது உள்ளிட்ட பல்வேறு கோரிக்கைகளை வலியுறுத்தி உணவை சாப்பிட மறுத்து போராட்டத்தில் ஈடுபட்டனர். தகவலறிந்த மாவட்ட பிற்படுத்தப்பட்டோர் நல அலுவலர் குணசேகர் விரைந்து வந்து போராட்டத்தில் ஈடுபட்ட மாணவர்களிடம் பேச்சுவார்த்தை நடத்தினார்.    அப்போது உணவு தரமாக வழங்குவதாகவும், பிற கோரிக்கைகள் மீது நடவடிக்கை எடுப்பதாகவும் உறுதியளித்தார். அதனையேற்று மாணவர்கள் காலை 11 மணிக்கு தங்கள் போராட்டத்தை முடித்துக் கொண்டு வகுப்பிற்குச் சென்றனர்.

 

                                              கடலூர் மாவட்ட செய்திகள்

Read more...

கடலூர் பெரியார் கலைக் கல்லூரி பிற்படுத்தப்பட்ட மாணவர் விடுதியில் சுகாதாரமற்ற உணவு

கடலூர்:

 

     கடலூர் பெரியார் அரசு கலைக் கல்லூரி பிற்படுத்தப்பட்ட மாணவர்களுக்கான விடுதியில் தங்கிப் பயிலும் மாணவர்கள், சுகாதாரமற்ற உணவைக் கண்டித்து திங்கள்கிழமை ஆர்ப்பாட்டம் நடத்தினர்.

           கல்லூரிக்கு அருகில் உள்ள  மாணவர்கள் விடுதியில் 105 மாணவர்கள் தங்கிப் படிக்கிறார்கள். இவர்களுக்கு குடிநீர், கழிவறை உள்ளிட்ட அடிப்படை வசதிகள் போதுமானதாக இல்லை என்கிறார்கள் மாணவர்கள் .தானே புயலில் ஏற்பட்ட சேதங்கள் சரிசெய்யப்படவில்லை. உணவு தரமானதாகவும் சுகாதாரமாகவும் இல்லை என்றும் குற்றம்சாட்டுகிறார்கள். இது குறித்து பலமுறை அதிகாரிகளிடம் புகார் தெரிவித்தும் பயனில்லை என்கிறார்கள்.

        இந்நிலையில் திங்கள்கிழமை வழங்கப்பட்ட காலை உணவு, சுதாரமற்ற நிலையிலும் துர்நாற்றத்துடனும், புழுப் பூச்சிகளுடனும் மிகமோசமாக இருந்ததாம். எனவே விடுதி மாணவர்கள் காலை உணவைப் புறக்கணித்து, கல்லூரி வகுப்புகளையும் பறக்கணித்தனர். பின்னர் விடுதி வாயில் முன் ஆர்ப்பாட்டம் நடத்தினர். தகவல் அறிந்ததும் பிற்பட்டோர் நலத்துறை வட்டாட்சியர் பழநி மற்றும் கடலூர் வட்டாட்சியர் எழிலன் ஆகியோர் விரைந்து வந்து, மாணவர்களிடம் பேச்சுவார்த்தை நடத்தினர்.

       பிற்பட்டோர் மாணவர் விடுதியைச் சீரமைக்க ரூ. 5 லட்சம் ஒதுக்கி இருப்பதாகவும், அடிப்படை வசதிகள் மேம்படுத்தப்படும், சுகாதாரமான உணவு வழங்கப்படும் என்றும் வட்டாசியர் பழநி உறுதி அளித்ததைத் தொடர்ந்து மாணவர்கள் கலைந்துச் சென்றனர்.

கடலூர் மாவட்ட செய்திகள்

Read more...

கடலூர் பெரியார் கலைக் கல்லூரி மாணவர்கள் உள்ளிருப்பு போராட்டம்

கடலூர் : 

                அடிப்படை வசதி கோரி அரசு கல்லூரி பிற்படுத்தப்பட்டோர் நல விடுதி மாணவர்கள் நேற்று உள்ளிருப்பு போராட்டம் செய்தனர். கடலூர் தேவனாம்பட்டினம் பெரியார் கல்லூரியில் பயிலும் மாணவர்கள் 105 பேர் பிற்படுத்தப்பட்டோர் நல விடுதியில் தங்கி படித்து வருகின்றனர். விடுதியில் கடந்த இரண்டு மாதங்களாக சுத்தமான குடிநீர், சுகாதாரமான கழிவறைகள் இல்லை. தரமற்ற உணவு வழங்கப்படுவதாக கூறி உடனடியாக தக்க நடவடிக்கை எடுக்க வலியுறுத்தி மாணவர்கள் நேற்று விடுதியில் திடீர் உள்ளிருப்பு போராட்டத்தில் ஈடுபட்டனர். இதனைத் தொடர்ந்து மாணவர்களிடம் பேச்சுவார்த்தை நடத்திய வார்டன் உரிய நடவடிக்கை எடுப்பதாக உறுதியளித்தார். நடவடிக்கை மேற்கொள்ளும் வரை போராட்டம் தொடரும் என மாணவர்கள் அறிவித்தனர்.

கடலூர் மாவட்ட செய்திகள்

Read more...