வெள்ளி, 24 ஜூலை, 2015
ஞாயிறு, 21 ஜூன், 2015
கடலூா் பொியாா் அரசு கலைக் கல்லூாியில ”சர்வதேச யோகா தினம்” 21.06.2015 கொண்டாடப்பட்டது.
சர்வதேச யோகா தினமானது இந்தியாவின் தீர்மானத்தின் அடிப்படையில் ஐ.நா.சபை முதல் யோகா தினத்தைக் கொண்டாட அங்கீகரிக்கப்பட்டு இந்த அங்கீகாரமானது 177 நாடுகளில் ஏற்றுக்கொண்டு இன்று சுமார் 191 நாடுகள் இந்த யோகா தினத்தை கொண்டாடி வருகிறது. அதனடிப்படையில் பெரியார் அரசு கலைக் கல்லூரியில் கல்லூரி முதல்வர் முனைவர்.வ.நா.விஸ்வநாதன் தலைமையில் இன்று 21.06.2015 -ஆம் நாள் காலை 07.15 முதல் 09.00 மணி வரை கொண்டாடப்பட்டது.
இந்நிகழ்ச்சியில் முதல்வர் அவர்கள் யோகாவின் சிறப்புகளையும் அதனைப் பின்பற்றுவதால் ஏற்படும் நன்மைகளையும் எடுத்துக் கூறி மாணவர்களுக்கு விழிப்புணர்வை ஏற்படுத்தினார். பிரம்மகுமாரி இயக்கத்தின் திரு.P.மு.மோகன்குமார் அவர்கள் ராஜயோகம் மற்றும் தியானப்பயிற்சி பற்றிய செய்தி முறைகளையும் மாணவர்களுக்கு அளித்தனர்.
இந்நிகழ்ச்சி கல்லூரியின் நாட்டு நலப்பணித்திட்டத்தின் சர்பாக நடைபெற்றது. நிகழ்ச்சிக்கு இயற்பியல்துறைத் தலைவர் முனைவர்.க.மனோகரன் வரவேற்புரை ஆற்றினார். இந்நிகழ்ச்சியில் தமிழ்த்துறைத் தலைவர் முனைவர்.சு.தமிழாழிக் கொற்கை வேந்தன் பொருளியல் துறைத்தலைவர் ரா.பாஸ்கரன் நாட்டு நலப்பணித்திட்ட அலுவலர் முனைவர் வீ.பன்னீர்செல்வம் ஆகியோர் யோகா குறித்து உரையாற்றினர். நாட்டு நலப்பணித்திட்ட அலுவலர் திரு.எஸ்.டேவிட் சௌந்தர் நன்றியுரை வழங்கினார்.
இந்நிகழ்ச்சியில் கல்லூரி பேராசிரியர்கள் அலுவலர்கள் மற்றும் மாணவ மாணவிகள் ஏராளமானோர் கலந்துகொண்டு சிறப்பித்தனர்.
கடலூர் மாவட்ட செய்திகள்
சனி, 13 ஜூன், 2015
கடலூர் பெரியார் கலைக் கல்லூரியில் 2015-2016-ம் கல்வியாண்டிற்கான முதுநிலை பாடப்பிரிவுகளுக்கான விண்ணப்பம் விநியோகம் துவங்கியது.
வியாழன், 11 ஜூன், 2015
கடலூா் பொியாா் அரசு கலைக் கல்லூாியில் 2015-16-ம் கல்வியாண்டிற்கான முதுநிலை படிப்புகளுக்கான விண்ணப்ப வினியோகம் 12.06.2015 முதல் துவங்குகிறது.
வெள்ளி, 29 மே, 2015
அரசு பெரியார் கலைக்கல்லூரியில் கலை, அறிவியல் படிப்புகளில் சேர மாணவர்கள் ஆர்வம்
கலை, அறிவியல் படிப்புகளில் சேர மாணவர்கள் ஆர்வம்
தினமணி - 29.05.2015
கலை, அறிவியல்
படிப்பில் சேர மாணவர்கள் ஆர்வம் காட்டுவதால், கடலூர் அரசுக்
கல்லூரியில் அனைத்துப் பாடப் பிரிவுகளிலும் மாணவர் சேர்க்கை இறுதி கட்டத்தை
எட்டியுள்ளது.
கடலூரில் அரசு பெரியார் கலைக்கல்லூரி செயல்பட்டு வருகிறது.
இக்கல்லூரியில் மாணவர் சேர்க்கைக்கான முதல்கட்ட கலந்தாய்வு மே 22-ஆம் தேதி தொடங்கி 27-ஆம் தேதி நிறைவடைந்தது. ஒவ்வொரு நாளும் பாடம் வாரியாக நடத்தப்பட்ட
கலந்தாய்வில் பங்கேற்பதில் மாணவர்கள் அதிக ஆர்வம் காட்டியதாக கல்லூரி முதல்வர்
வ.நா.விஸ்வநாதன் கூறினார்.
அவர் மேலும் கூறுகையில், இக்கல்லூரியில் இளநிலை பட்டப்படிப்பாக தமிழ், ஆங்கிலம்,
வணிகவியல், பொருளியல், வரலாறு,
அரசியல் அறிவியல், கணிதம், இயற்பியல், வேதியியல், தாவரவியல்,
விலங்கியல், நுண்ணுயிரியல், புள்ளியல், கணினிஅறிவியல் ஆகிய பாடப்பிரிவுகள்
நடத்தப்படுகின்றன.
நடப்பாண்டில் 1,065 இடங்களுக்கான
கலந்தாய்வில் பங்கேற்க 4,390 விண்ணப்பங்கள் விற்பனை
செய்யப்பட்டன. கலந்தாய்வில் 3,450 பேர் பங்கேற்றனர்.
இதுவரையில் இல்லாத அளவாக கலந்தாய்வின் முதல் கட்டத்திலேயே வணிகவியல், கணினிஅறிவியல், கணிதப் பாடங்களில் அனைத்து இடங்களும்
நிரப்பப்பட்டு விட்டன. மற்ற பாடங்களில் 75 சதவீத இடங்கள்
நிரப்பியுள்ளன. கடந்த காலங்களில் முதல் கட்ட கலந்தாய்வில் அதிகபட்சமாக 50 சதவீத இடங்கள் வரையில் தான் நிரப்பும்.
இது மாணவர்களிடம் கலை, அறிவியல்
பாடத்துக்கு வரவேற்பு இருப்பதையே காட்டுகிறது. வேலைவாய்ப்பு உறுதியாக உள்ள
படிப்புகளாக இளநிலை பட்டப்படிப்புகள் மாறி வருவதோடு, குறைவான
செலவில் படிப்பினை முடித்துவிடும் சூழ்நிலை உள்ளது.
அதே நேரத்தில் அதிக செலவில் படிக்கப்படும் பொறியியில்
பட்டதாரிகள் குறைந்த சம்பளத்தில் பணியாற்றும் நிலையும் கலை அறிவியல் படிப்பில்
மாணவர்கள் சேர்வதற்கு அதிக ஆர்வம் காட்டுவதற்கான காரணமாக உள்ளது.
தற்போது முதலாமாண்டு மாணவர்களுக்கு கல்லூரி குறித்தும், பாடத்திட்டம், அரசியல்,
உலக கண்ணோட்டம், ஆங்கிலம் பேசுதல், சக மாணவ, மாணவிகளுடன் நட்புறவுடன் பழகுவது குறித்து
ஜூன் 2-ஆம் தேதி முதல் சிறப்பு வல்லுநர்களால்
பயிற்சியளிக்கப்படுகிறது. இந்தப் பயிற்சிக்கான ஏற்பாடுகளை மாநில உயர்கல்வித் துறை
ஏற்பாடு செய்துள்ளது. இந்த முறை மாணவர்களுக்கு மிகவும் பயனுள்ளதாக அமையும்
என்றார்.
மே 29-ஆம்
தேதி 2-ஆம் கட்ட கலந்தாய்வு நடைபெற்றது. தேவைப்படும்
பட்சத்தில் 30-ஆம் தேதி 3-ஆம் கட்ட
கலந்தாய்வும் நடத்தப்படும்.
அதேபோன்று, பிளஸ்
2 தேர்வில் தோல்வியடைந்த மாணவர்கள் மறுதேர்வில் வெற்றி
பெறும் பட்சத்தில் அவர்களும் கலந்தாய்வில் பங்கேற்க வாய்ப்பு வழங்கப்படும் என்று
கல்லூரி நிர்வாகம் தெரிவித்துள்ளது.
இதற்கு குழுசேர்:
இடுகைகள் (Atom)
